இன்றைய பதிவில் நாம் பொடுகு பிரச்சனைக்கு நிரந்தர தீர்வு பற்றி பார்க்கலாம். பொடுகு ஆரம்பத்திலே சரிசெய்ய வேண்டும். இல்லையென்றால் பொடுகு அதிகமாகும், தலைமுடி பிரச்சனையும் வரும். எளிய முறையில் எவ்வாறு பொடுகு அடியோடு விரட்டலாம் என்று இந்த பதிவில் பார்க்கலாம்.
குறிப்பு 1:
எலுமிச்சை சாறு எடுத்து குளிக்கும் முன் தலையில் தேய்த்து 15 நிமிடம் ஊறவைத்து பிறகு தலை முடியை அலசினால் பொடுகு காணாமல் போகும்.
குறிப்பு 2:
ஒரு கைப்படி அளவு வேப்பிலை எடுத்து நன்றாக அரைத்து தலையில் தேய்த்து ஊறவைத்து 20 நிமிடம் கழித்து தலைக்கு குளித்தால் பொடுகும் இருக்காது, பேன் தொல்லையும் மறையும்.
குறிப்பு 3:
எலுமிச்சை சாறு, தேங்காய் எண்ணெய் இரண்டும் கலந்து தலைக்கு தேய்த்து 20 நிமிடம் ஊறவைத்து பிறகு தலைக்கு குளித்து வர பொடுகு தொல்லை இருக்காது.
குறிப்பு 4:
குளிப்பதற்கு முன் சோற்றுக்கற்றாழை ஜெல் எடுத்து தலைமுடிக்கு நன்றாக தேய்த்து 20 நிமிடம் கழித்து தலைக்கு குளிக்கலாம்.
குறிப்பு 5:
தயிர் எடுத்து 1 மணி நேரம் தலையில் ஊற வைத்து குளித்தால் பொடுகு உடனே காணாமல் போகும்.
குறிப்பு 6:
முதல் நாள் இரவே வெந்தயத்தை ஊற வைத்து, மறு நாள் ஊற வைத்த வெந்தயத்தை அரைத்து தலையில் தேய்த்து குளித்து வரலாம்.
குறிப்பு 7:
தலைக்கு குளிப்பதற்கு முன்பு தேங்காய் எண்ணெய் எடுத்து 15 நிமிடம் தலையில் மசாஜ் செய்து பிறகு தலைக்கு குளிக்கலாம்.
குறிப்பு 8:
பொடுகு மறைய வாரத்தில் ஒரு நாள் மருதாணி இலை அரைத்து அதனுடன் சிறிது எலுமிச்சை சாறு மற்றும் தயிர் சேர்த்து கலந்து தலைக்கு குளித்து வரலாம்.
குறிப்பு 9:
பச்சை பயிறு மாவு எடுத்து அதனுடன் தயிர், எலுமிச்சை சாறு சேர்த்து தலைக்கு தேய்த்து குளித்து வரலாம்.
குறிப்பு 10:
வேப்பங்கொட்டை எடுத்து அரைத்து தலையில் தேய்த்து ஊறவைத்து அரை மணி நேரம் கழித்து தலை அலசினால் பொடுகு மறையும்.
