இன்றைய பதிவில் நாம் வித்தியாசமாக இறால் வடை எப்படி செய்வது என்று பார்க்கலாம்.
இன்னும் சுவாரஸ்யமான தகவல்களை பெற எங்கள் டெலிகிராம் பக்கத்தில் இணையுங்கள் 👇👇👇
https://t.me/health_tips_tamil
இறால் வடை செய்ய தேவையான பொருட்கள் :-
இறால் – 10
உடைத்த கடலை – ஒரு ஆழாக்கு
வெங்காயம் – 200 கிராம்
சோம்பு – 1 தேக்கரண்டி
இஞ்சி – சிறிய துண்டு
பூண்டு – 5 பல்
பச்சை மிளகாய் – 5
கறிவேப்பிலை – 1 கொத்து
மஞ்சள் தூள் – 1/4 தேக்கரண்டி
எண்ணெய் – அரை லிட்டர்
உப்பு – தேவையான அளவு
இறால் வடை செய்முறை :-
😋 முதலில் இறாலை உரித்து சுத்தம் செய்து நன்றாக கழுவி உப்பு, மஞ்சள் தூள் சேர்த்து தண்ணீரில் வேக வைக்க வேண்டும்.
😋 பிறகு வேகவைத்த இறாலை தண்ணீர் இல்லாமல் எடுத்து ஆற வைக்க வேண்டும்.
😋 ஒரு மிக்சியில் உடைத்த கடலை அரைத்துக் கொள்ள வேண்டும்.
😋இறால் சேர்த்து அரைத்து ஒரு பாத்திரத்தில் சேர்த்துக் கொள்ளவும்.
😋 பிறகு வெங்காயம், பச்சை மிளகாய் பொடியாக நறுக்கி கொள்ளவும்.
😋 பிறகு இஞ்சி, பூண்டு, சோம்பு நசுக்கிக் கொள்ளவும்.
😋 பிறகு அடுப்பில் வாணலியை வைத்து தாளிப்பதற்கு எண்ணெய் விட்டு நறுக்கி வைத்துள்ள வெங்காயம், பச்சை மிளகாய், நசுக்கி வைத்துள்ள மசாலா ஆகியவற்றை சேர்த்து சிவக்கும் வரை வதக்க வேண்டும்.
😋 பிறகு அரைத்து வைத்துள்ள இறாலையும், கடலையும் சேர்த்து, தேவையான அளவு உப்பு சேர்த்து ஒன்றாக பிசைந்துக் கொள்ள வேண்டும்.
😋 பிறகு அடுப்பில் வாணலியை வைத்து எண்ணெய் ஊற்றி, எண்ணெய் காய்ந்ததும் பிசைந்து வைத்துள்ள மாவை சிறு சிறு உருண்டைகளாக பிடித்து வடை தட்டி எண்ணெயில் போட்டு சிவக்க வைத்து எடுத்து விட்டால் நமக்கு சுவையான இறால் வடை தயார்.